“ఒక ఊర్లో రచ్చ బండ దగ్గర ఒక చెట్టుపై ఉన్న కాకి కింద అరుగుమీద కూర్చున్న జనాల తలల పై రెట్టలు వేస్తూ ఉండేది. వారు ఆ కాకిని తిట్టుకుంటూ ఉండేవారు. ఒక రోజూ ఆ కాకి ప్రమాదావశాత్తు చనిపోయింది. కానీ ఆ చెట్టు పై చనిపోయిన కాకి పిల్ల కూడా ఉండేది. అది మాత్రం కింద కూర్చున్న జనాలపై రెట్ట వేసేది కాదు. దీంతో ఆ జనాలు ఈ పిల్ల కాకిని ఉద్దేశించి ఎంత మంచిదో.. దీని తల్లి అస్తమాను తలపై రెట్టలు వేస్తూ ఉండేది అని పిల్ల కాకిని పొగుడుతూ తల పైకి ఎత్తి చూసేసరికి ఆ పిల్ల కాకి తన రెట్ట ని ఆ మనిషి నోట్లో వేసిందంట పాపం. దీంతో ఆ పెద్దమనిషి ఛీ! ఇదొక పనికి మాలిన పిల్ల కాకి.. దాని తల్లి కాకి మంచిది అది నెత్తిమీద మాత్రమే వేస్తుంది.. ఇది ఏకంగా నోట్లో వేస్తుంది అని తల్లి కాకి ని పొగడటం మొదలు పెట్టారట.”
ఇది ప్రస్తుత రాజకీయాల్లో ఉన్న తండ్రి కొడుకులకు సరిగ్గా సరిపోయే కథ. ఒక గ్రామంలో ఒక ప్రెసిడెంట్ ఉండేవాడు.అతను అధికారంలో ఉండగా కొడుకుకు మరియు తన వర్గానికి పంచాయితీ నిధులను అడ్డదిడ్డంగా దోచిపెట్టాడు ఆ మహామేత. అంతే కాక ప్రజలకు కొంతమేర ఉపయోగ పడే కార్యక్రమాలు చేయటం ద్వారా తాము దోచుకుంటున్న సంగతి ప్రజలకు తెలియకుండా చేశాడు. కానీ ఆ మహామేత ప్రమాదవశాత్తు చనిపోయాడు ఆయన చనిపోయిన తర్వాత తండ్రి శవం దగ్గర కొడుకు సన్నీ బాబు “షిక్కటి షిరి నవ్వుతో” అందరినీ పలకరించటం, దోచుకున్న సొమ్ము తో జైలుకు వెళ్ళటం, బెయిలుపై రావటం….పైగా తన తండ్రి ని మొదటి ముద్దాయిగా చేర్చాలని న్యాయస్థానాన్ని కోరటం ద్వారా తనకు తన తండ్రి పట్ల ఉన్న ప్రేమ మరియు వాత్సల్యాన్ని తెలియజేసింది.
ఆతర్వాత జరిగిన ఎన్నికలలో సన్నీబాబు ఒక ఛాన్స్ అంటూ ఊరు మొత్తం పాదయాత్ర “నేనూ విన్నాను.. నేనూ ఉన్నాను ” అని చెప్పటంతో ఏదో చేస్తాడని గెలిపించారు. ఇక చూసుకోండి!నా సామి రంగా రోజుకొక అరాచక , తుగ్లక్ నిర్ణయాలు. మధ్యం షాపులు నడపటం , ఇసుక దోపిడీలు, కాoట్రాక్ట్స్ అని తన వాళ్ళకి దాంట్లో కమీషన్లు అంటూ ఊరిని అల్లకల్లోలం చేశాడు. రోడ్లు చూస్తే గుంటల్లో రోడ్డు ఉందో.. రోడ్డు ల్లో గుంటలు ఉన్నాయో అనేంత దారుణంగా ఉన్నాయి. దళితుల అణిచివేత , ఆడవారిపై అత్యాచారాలు, గంజా సరఫరా ఇలా ఒకటేమిటీ ఊరిని ఎంత ఆరాచకంగా పాలించాలో ? జనాలు బిక్కు బిక్కు మానేలా పాలించేవాడు.
ఆ మహామేత కొడుకు అయిన సన్నీబాబు తన తండ్రిని తనకి కావాల్సినట్టుగా రాజకీయానికి వాడుకునేవాడు. కానీ ఇక్కడ ఒక విషయం ఆ మహామేత కనుక చనిపోకుంటే తండ్రి కొడుకులు ఇద్దరు జైలు పాలు అయ్యేవాళ్ళు. చనిపోయిన మహామేత కాస్త తన వర్గానికి , మరి కొంత మందికి మహానేత అవ్వటం అదృష్టమనే చెప్పాలి. పై కథలో చెప్పినట్టూగా ఇద్దరు పరిపాలన చూసిన గ్రామ ప్రజలు కొడుకు మీద తండ్రే నయం అని పొగడటం ద్వారా సన్నీబాబు తన తండ్రికి ఈరకంగా పేరు తెచ్చాడు.
— పి కృష్ణ
నిరాకరణలు: వెబ్సైట్ యొక్క www.toliadugu.com లేదా సబ్డొమైన్లలో ప్రచురించబడిన కథనాలు మరియు కంటెంట్ కేవలం సమాచార ప్రయోజనాల కోసం మాత్రమే. www.toliadugu.com లేదా వెబ్సైట్ సబ్డొమైన్లలో ప్రచురించబడిన కథనాలలో ఉపయోగించిన మొత్తం సమాచారం విశ్వసనీయ మూలాల నుండి వచ్చినదని విశ్వసించబడింది, అయితే మేము దీనితో సంపూర్ణత, ఖచ్చితత్వం లేదా విశ్వసనీయత గురించి ఎలాంటి ప్రాతినిధ్యాలు లేదా హామీలు ఇవ్వము, వ్యక్తీకరించాము లేదా సూచించాము ఈ వ్యాసానికి సంబంధించి
Disclaimers: Articles and Content published on www.toliadugu.com or subdomains of the website, is just for informational purposes only. All information used in the articles published on www.toliadugu.com or subdomains of the website is believed to be from reliable sources, but we make no representations or warranties of any kind, express or implied, about the completeness, accuracy, or reliability with respect to these article.